საბა საზონოვი ტორინოს ულტრასებს ესაუბრა. ახალგაზრდა ცენტრალურმა მცველმა გუნდში არსებულ პრობლემებს ხაზი გაუსვა. მისი თქმით, "გრანატას" დამრიგებელი, მარკო ბარონი მას აღარც ესალმება, აღნიშნული გარემოება კი ქართველი უკანახაზელის შემადგენლობაში დაბრუნებას არარეალურს ხდის.
"ტორინოში არავის ვჭირდები. მზად ვარ გუნდისთვის გავაკეთო ყველაფერი, თუმცა ჩემი ყოფნა აქ არავის უნდა. ბარონი არც კი მესალმება. როდრიგესისა და ბუონჯორნოს დროს კალჩოში გვყავდა საუკეთესო უკანახაზი და მაინც ვთამაშობდი, ახლა კი ჩვენი დაცვა ყველაზე ცუდია, მაგრამ შემადგენლობაშიც არ ვარ.
ტრავმა ბოლომდე მოვირჩინე და თამაშისთვის მზად ვარ, თუმცა პეტრაკიმ პირდაპირ მითხრა, რომ "გრანატას" ნაწილი აღარ ვარ. სამწუხაროა, რადგან გუნდის დასახმარებლად ყოველთვის მზად ვარ."
