მატჩის შემდეგ მედიასთან თორნიკე მორჩილაძემ ისაუბრა:
"შეხვედრას, რა თქმა უნდა, დადებითად შევაფასებ, რადგან გავიმარჯვეთ. გულდასაწყვეტია, ჩემი აზრით, რომ დიდი ანგარიშით ვერ მოვიგეთ, მაგრამ ამ მოგების შემდეგ ამ თამაშს ვივიწყებთ და უკვე 4 დღეში, ხორვატიაში გასამართ თამაშზე, გადავერთვებით მთელი გუნდი. დიდი იმედი გვაქვს, რომ მინიმუმ შევინარჩუნებთ ამ ანგარიშს და გავალთ ევროპის ჩემპიონატზე.
მეტოქე ძალიან ძლიერია, ხორვატიის ნაკრები ძლიერი მოთამაშებიით არის დაკომპლექტებული, მაგრამ ჩვენ ჩვენი ხარისხი გვაქვს, მზად ვართ ყველაფრისთვის და ყველაფერს გავაკეთებთ იმისთვის, რომ ევროპის ჩემპიონატზე ჩვენ მოვხვდეთ და არა ხორვატები."
სვანაძის გუნდი საპასუხო შეხვედრას 19 ნოემბერს, ხორვატიის ქალაქ რიეკაში გამართავს. მატჩი თბილისის დროით 22:00 საათზე დაიწყება.
ფოტო: ხატია დვალიძე
