ახალი სეზონის დაწყებასთან ერთად, დინამო თბილისმა მორიგი საინტერესო ტრანსფერი განახორციელა.
LaGazzetta.ge-ს ინფორმაციით, 28 წლის ინგლისელი ფეხბურთელი ჯოშ ონომა კარიერას დინამო თბილისში გააგრძელებს. კლუბი ტრანსფერს უახლოეს საათებში გააოფიციალურებს. ონომა დინამოსთან 1+1-წლიან კონტრაქტს გააფორმებს
ონომას ზურგს უდიდესი გამოცდილება უმაგრებს. ტოტენჰემის აღზრდილია და 2020 წლამდე ამ კლუბის საკუთრება იყო. იჯარის წესით ფულჰემში, ასტონ ვილაში, პრესტონში და სხვა ინგლისურ კლუბებში თამაშობდა.
ონომა ინგლისის ნაკრებთან ერთად მსოფლიოს 20-წლამდელთა და ევროპის 17-წლამდელთა ჩემპიონატის გამარჯვებულია. ბოლოს ის ბლექპულში თამაშობდა.
რაც შეეხება დინამო თბილისს, ქვეყნის ყველაზე ტიტულოვანმა კლუბმა ეროვნული ლიგის ახალი სეზონი ერთი მოგებითა და ორი ფრით დაიწყო. როგორც ჩვენთვის არის ცნობილი, დინამო თბილისი ევროტურნირებამდე კიდევ განახორციელებს ტრანსფერს.
