რამდენიმე საათის წინ სერბეთის ჩემპიონატში დიდი ტრაგედია მოხდა. სუპერ ლიგის მე-14 ტურში ერთმანეთს მლადოსტი და რადნიჩკი 1923 ეთამაშებოდნენ, შეხვედრის მიმდინარეობისას კი სტუმარი გუნდის მთავარი მწვრთნელი შეუძლოდ გახდა და მისი კლინიკაში გადაყვანა გახდა საჭირო.
მსაჯების გადაწყვეტილებით მატჩი მაინც გაგრძელდა, თუმცა მალევე გაირკვა, რომ ექიმებმა მლადენ ჟიჟოვიჩის გადარჩენა ვერ მოახერხეს და 44 წლის სპეციალისტი კლინიკაში ტრაგიკულად გარდაიცვალა. ახალგაზრდა მწვრთნელის გარდაცვალების მიზეზად გულის შეტევა დასახელდა.
გთავაზობთ კადრებს, სადაც ფეხბურთელებისა და მოედანზე მყოფი ადამიანების რეაქციები ჩანს, როდესაც შეიტყვეს, რომ რადნიჩკი 1923-ის მთავარი მწვრთნელი გარდაიცვალა.
