რამდენიმე საათის წინ დაწყებული მოლაპარაკებები საბოლოო შეთანხმებით დასრულდა, ჯაკომო რასპადორი ატლეტიკო მადრიდიდან კარიერას ატალანტაში გააგრძელებს! 25 წლის იტალიელ შემტევს სამშობლოში უკვე ელოდებიან, სადაც ახალ კლუბში სამედიცინო შემოწმებას გაივლის და კონტრაქტს ხელს მოაწერს.
ჯაკომო რასპადორი, რომ ჩოლო სიმეონეს გეგმებში არ შედიოდა ამის შესახებ მადრიდული პრესა რამდენიმე კვირის განმავლობაში წერდა, სწორედ ამიტომ ატლეტიკო 25 წლის ფეხბურთელის სანაცვლოდ ყველა შეთავაზებას განიხილავდა. ატალანტას გარდა საქმეში რომაც იყო, თუმცა ბერგამოელებმა ყველა კონკურენტს აჯობეს და გარიგებაც დახურეს.
შეგახსენებთ, ჯაკომო რასპადორის ბოლო იტალიური კლუბი ნაპოლი იყო, საიდანაც ატლეტიკო მადრიდში გასულ ზაფხულს გადაბარგდა, სადაც კარიერა ვერ აეწყო და თამამად შეგვიძლია იმის თქმა, რომ მისი ტრანსფერი ჩავარდა.
