მანჩესტერ იუნაიტედის ბანაკიდან ახალი ინფორმაცია ვრცელდება — ბოლო საათებში ჩატარებულმა გამოკვლევებმა აჩვენა, რომ ბენიამინ შეშკოს ტრავმა საკმაოდ მძიმეა, რის გამოც 22 წლის ფორვარდი მინიმუმ ერთ თვეს იუქმებს.
შეგახსენებთ, ბენიამინ შეშკომ ტრავმა ტოტენჰემთან შეხვედრაში მიიღო, რა დროსაც მარცხენა მუხლი დაიზიანა. საწყის ეტაპზე იყო ვარაუდი, რომ დაზიანება მძიმე არ აღმოჩნდებოდა, თუმცა როგორც ჩანს მოლოდინები არ გამართლდა და რუბენ ამორიმმა მთავარი ფორვარდი საკმაოდ დიდი ხნით დაკარგა. ყველაზე ცუდ შემთხვევაში ახალგაზრდა ფორვარდი 2025 წელს თამაშს ვეღარ შეძლებს.
ბენიამინ შეშკოს ანგარიშზე ამ სეზონში 12 ჩატარებული მატჩია, რა დროშიც სლოვენიელმა ფეხბურთელმა 2 გოლი გაიტანა და 1 საგოლე გადაცემა შეასრულა.
