ბარსელონას ბანაკიდან ახალი, საკმაოდ არასასიამოვნო ინფორმაცია ვრცელდება — როგორც მოსალოდნელი იყო, რაფინიას ტრავმა მძიმე აღმოჩნდა, რის გამოც ბრაზილიელი ფეხბურთელი საკმაოდ დიდხანს იუქმებს.
29 წლის ვინგერმა ტრავმა საფრანგეთთან, ამხანაგურ მატჩში მიიღო, რა დროსაც მარჯვენა ბარძაყის კუნთი დაიზიანა. პირველადი ინფორმაციით, რაფინია 4-დან 5 კვირამდე იუქმებს, რაც ჰანსი ფლიკისთვის ძალიან დიდ პრობლემას წარმოადგენს. ამ მოცემულობით, ბარსელონას ერთ-ერთი ლიდერი დაახლოებით 8-9 მატჩს გამოტოვებს, რის შემდეგაც ახალი გამოკვლევები ჩაუტარდება და ზუსტად გაირკვევა თუ როდის შეძლებს ბრაზილიელი მოედანზე დაბრუნებას.
