ჩემპიონთა ლიგის მეოთხე ტურში, ბაიერნთან განცდილი მარცხის შემდეგ, პარი სენ-ჟერმენი ლიგა 1-ის მომდევნო ტურის მატჩისთვის მზადებას იწყებს. ლუის ენრიკეს გუნდის შემდეგი მეტოქე ლიონი იქნება, რის შემდეგაც ნოემბრის სანაკრებო პაუზა დაიწყება.
პარიზული გრანდი ამ პრინციპულ დაპირისპირებას საკმაოდ დიდი დანაკლისით ხვდება. დეზირე დუეს შემდეგ, გუშინდელ მატჩში ტრავმა კიდევ 3 ფეხბურთელმა მიიღო — აშრაფ ჰაკიმი, ნუნუ მენდეში და უსმან დემბელე ლიონთან მატჩს ოფიციალურად გამოტოვებენ, რაც ლუის ენრიკესთვის ძალიან დიდი დანაკლისია.
შეგახსენებთ, პსჟ 11 ტურის შემდეგ, ლიგა 1-ს 24 ქულით ლიდერობს, ხოლო რაც შეეხება ლიონს, პაულუ ფონსეკას გუნდი 20 ქულით, მე-6 პოზიციაზე იმყოფება.
