ყველასთვის ცნობილმა ბელგიელმა ფეხბურთელმა ედენ აზარმა, რომელმაც ახლახანს კარიერა დაასრულა, პსჟ-ს ფრანგ შემტევზე, უსმან დემბელეზე ისაუბრა.
"შრომა ყოველთვის ფასდება და დემბელე ამის დასტურია. ყველამ ვიცით, რომ უსმანს წარმოუდგენელი ნიჭი აქვს, ეს დაახლოებით 10 წელია ვიცით და ამ ყველაფერს დღეს ვხედავთ.
დემბელეს ჰყავს მწვრთნელი, რომელიც ძალიან ეხმარება, რომელმაც იცის, როგორ მართოს იგი. ისეთ ფეხბურთს გვაჩვენებს,, როგორიც ყველას გვინდა!“, - განაცხადა აზარმა.
შეგახსენებთ, რომ უსმან დემბელემ გასულ წელს პსჟ-სთან ერთად ყველა ტიტული მოიგო და ოქროს ბურთის მფლობელი გახდა.
