ალ-ნასრი დამარცხდა ალ-იტიჰადთან, რითაც საუდის არაბეთის თასისთვის ბრძოლას გამოეთიშა. დიახ, კრიშტიანუ რონალდუ კვლავ ტიტულის გარეშე დარჩა. უკვე 4 წელზე მეტია, რაც პორტუგალიელი ფორვარდი საკლუბო დონეზე ჯილდოს მოგებას ვერ ახერხებს.
თავისი უკანასკნელი საკლუბო ტიტული რიადელთა კაპიტანმა მოიპოვა 2021 წელს, მაშინ, როდესაც ის ჯერ კიდევ ტურინის იუვენტუსში თამაშობდა. "ბიანკონერის" ყოფილმა მე-7 ნომერმა იმ დროს კოპა იტალია მოიგო. რა მოხდა შემდეგ? ლეგენდარული ფორვარდი დაბრუნდა მანჩესტერ იუნაიტედში, შემდეგ კი "ყვითლებში" გადავიდა.
როგორც "წითელ ეშმაკებში", ისე ალ-ავალ პარკის ბინადრებთან ერთად, 40 წლის თავდამსხმელი ტიტულების გარეშე არის. დიახ, 2023 წელს რონალდუმ მოიგო არაბული საკლუბო ჩემპიონთა თასი, მაგრამ აღნიშნული ტურნირი ოფიციალურში არ გადის.
