წინ მხოლოდ მესი და რონალდუ არიან - ჰოლანდის მორიგი საოცარი მიღწევა

ერლინგ ჰოლანდის სეზონის სტარტი შთამბეჭდავია - მსოფლიო ჩემპიონატზე მოხვედრა ნორვეგიის ნაკრებთან ერთად და ასევე 15 მატჩში გატანილი 19 ბურთი მანჩესტერ სიტის რიგებში. სეზონის სტარტიდან-დღემდე, ეროვნულ გუნდსა და კლუბში დაფიქსირებული შედეგის მიხედვით, ნორვეგიელმა ფორვარდმა გოლს+ასისტის სისტემით უკვე 35 ქულა მოაგროვა.

შედეგი მართლაც საოცარია, თუმცა არა საუკეთესო. "ქალაქელების" თავდამსხმელზე წინ არიან ლიონელ მესი და კრიშტიანუ რონალდუ, რომლებმაც სხვადასხვა დროს 1 აგვისტოდან-ნოემბრის შუა რიცხვებამდე 40 და 36 ქულა მოაგროვეს. არგენტინელმა ფლეიმეიქერმა ეს შეძლო 2011/12 წლების სეზონის სტარტზე, პორტუგალიელმა ფორვარდმა კი 2013/14 წლების სეზონის.

აღსანიშნავია, რომ პეპ გუარდიოლას გუნდის ცხრიანი 35 ქულით არ არის ერთადერთი, ის მესამე ადგილს იყოფს ისევ და ისევ ინტერ მაიამის ამჟამინდელ კაპიტანთან, ამჯერად 2012/13 წლების შედეგებით. შემდეგ, ზედიზედ 2-ჯერ მოდის რობერტ ლევანდოვსკი, რომელმაც 2015/16-სა და 2021/2022 წლების სეზონში 34-34 ქულა მოაგროვა.

ყველაზე მეტი ქულა გოლს+ასისტის სისტემით აგვისტოს დასაწყისიდან - ნოემბრის შუა რიცხვებამდე

მეორე მსოფლიო ჩემპიონობა თუ მორიგი ოქროს ბურთი? — ბლიცი ლიონელ მესისთან

"ჰოლანდი ყველა მატჩში ახალ რეკორდებს ამყარებს და ამით ბედნიერი ვარ" — გვარდიოლა