არსენალთან გასამართი მატჩის წინ პრესკონფერენცია პსჟ-ს მთავარმა მწვრთნელმა ლუის ენრიკემ გამართა.
"არსენალი ევროპაში ერთ-ერთი საუკეთესო გუნდია, ისინი ინგლისში მეორე პოზიციაზე არიან და ურთულესი მატჩი გველის, თუმცა ეს ჩემპიონთა ლიგის ნახევარფინალია, 2 გუნდი, 2 მატჩი და ბრძოლა მოედნის ყველა წერტილში.
ჩვენი მიზანია, რომ ისტორია დავწეროთ. წინა დღეებში, პარიზის ქუჩებში ვსეირნობდი და მივხვდი, რომ გულშემატკივრებს ჩვენი გამარჯვება ძალიან სურს, რაც ჩვენთვის უკეთესიცაა, რადგან როგორც ვთქვი, ისტორია ყველამ ერთად უნდა დავწეროთ.
ამ მატჩისთვის ყველა ფეხბურთელი მზადაა. ყველა კომპონენტში ვივარჯიშეთ, მათ შორის სტანდარტულებშიც, ამ კომპონენტში არსენალი მართლაც ძლიერია.
არსენალიც და პსჟ-ც დაცვაში და შეტევაში ბრწყინვალედ თამაშობენ და საინტერესო მატჩი იქნება"
ჩემპიონთა ლიგის ნახევარფინალური მატჩი არსენალსა და პსჟ-ს შორის 29 აპრილს ლონდონში, თბილისის დროით 23 საათზე გაიმართება.
