ჩემპიონთა ლიგის ფაზის მატჩი ტოტენჰემსა და ვილიარეალს შორის, მასპინძელთა გამარჯვებით 1:0 დასრულდა.
მეორე ნახევრში, ვილიარეალის ქართველი ფორვარდი ჟორჟ მიქაუტაძე ერთი-ერთზე გავიდა, რის შედეგადაც მის წინააღმდეგ წესები დაარღვიეს. მსაჯმა ჯარიმა დანიშნა და ტოტენჰემის მცველს ყვითელი ბარათი უჩვენა.
ამ გადაწყვეტილებას არ დაეთანხმა ვილიარეალის მთავარი მწვრთნელი მარსელინო.
"ამ ეპიზოდში ჩვენი ფეხბურთელი მეკარესთან პირისპირ იყო და მოხდა წესების დარღვევა, რაც ვფიქრობ, წითელი ბარათია. მცველს ბურთთან შეხების შანსიც კი არ ჰქონია და პირდაპირ ჯარიმის აღებაზე წავიდა.
საბოლოო ჯამში, ჩემი ფეხბურთელებით ვამაყობ, კარგად ვითამაშეთ, ბევრი მოთამაშისთვის ჩემპიონთა ლიგა სადებიუტო იყო და გამოცდილება მიიღეს", - განაცხადა მარსელინომ.
