საფრანგეთის სუპერთასზე გამართული მატჩი პსჟ-სა და მარსელს შორის საკმაოდ დაძაბული გამოდგა.
მატჩის ძირითადი დრო 2:2 დასრულდა და საქმე პენალტების სერიამდე მივიდა, სადაც ლუკას შევალიემ ორი პენალტი აიღო, მატჩის გმირი გახდა და პსჟ-ს მორიგი ტიტული მოაგებინა.
აღსანიშნავია, რომ ისტორიის მანძილზე პსჟ საფრანგეთის სუპერთასის გამარჯვებული მე-14-ედ გახდა.
ძირითად შემადგენლობაში იყო პსჟ-ს ქართველი შემტევი ხვიჩა კვარაცხელია, რომელმაც უდიდესი სამუშაო გასწია როგორც დაცვაში, ისე შეტევაში. პარიზელთა მხრიდან გოლები უსმან დემბელემ და გონსალო რამოშმა გაიტანეს.
