გუშინ გაიმართა 19-წლამდელთა ევროპის ჩემპიონატის ნახევარფინალური შეხვედრა ესპანეთისა და გერმანიის ახალგაზრდულ ნაკრებებს შორის, რომელიც საოცრად დრამატული და საინტერესო გამოდგა.
28-ე წუთზე ანგარიში გერმანელებმა გახსნეს, რასაც მალევე ესპანელთა მიერ გაცუდებული პენალტი მოჰყვა. 61-ე წუთზე ესპანეთმა მაინც გაიტანა. ანგარიში გარსიამ გაათანაბრა, თუმცა 78-ე წუთზე გერმანია კვლავ წინ გავიდა.
მსაჯის მიერ დამატებულ წუთზე საოცრებები მოხდა - 90+1-ე წუთზე გარსიამ დუბლი გაიფორმა, 90+5-ე წუთზე კი ჰეთ-თრიკი და ესპანეთი წინ გაიყვანა. თითქოს, ყველაფერი დასრულებული იყო, თუმცა 90+9-ე წუთზე გერმანიამ გაათანაბრა. ანგარიში 3:3 გახდა და მატჩი დამატებით დროში გადავიდა.
97-ე წუთზე მარკესმა ესპანეთი დააწინაურა, 3-წუთიან ინტერვალში გერმანიამ 2 ბურთი გაიტანა და ამჯერად, უპირატესობა გერმანელებს ჰქონდათ, მაგრამ ესპანეთი კვლავ არ დანებდა, 113-ე და 119-ე წუთებზე გაიტანა და თამაში 6:5 მოიგო. სიმბოლურია, რომ გადამწყვეტი გოლი 18 წლის პაბლო გარსიამ გაიტანა. ამ შეხვედრაში მან გერმანელთა კარი 4-ჯერ აიღო.
19-წლამდელთა ევროპის ჩემპიონატის ფინალში ერთმანეთს ესპანეთი და ნიდერლანდები დაუპირისპირდებიან.
