ამ გუნდების პირველი მატჩი პარიზში შედგა და ლივერპულის გამარჯვებით 1:0 დასრულდა. ანალოგიური შედეგი დაფიქსირდა ენფილზე, ამჯერად გამარჯვებული პსჟ გახდა.
უსმან დემბელეს მიერ გატანილი ერთადერთი გოლით, თამაში დამატებით დროში გადავიდა, სადაც გამარჯვებული კვლავ ვერ გამოვლინდა და საქმე პენალტებამდე მივიდა.
პენალტების სერიაში გმირი ჯანლუიჯი დონარუმა გამოდგა, რომელმაც 2 ბურთი მოიგერია და პარიზელები შემდეგ ეტაპზე გაიყვანა.
ხვიჩა კვარაცხელიამ 100 წუთი ითამაშა და მოედანზე ერთ-ერთი გამორჩეული იყო. ჩემპიონთა ლიგის 1/4 ფინალში პსჟ ასტონ ვილასა და ბრიუგეს შორის გამარჯვებულს შეხვდება.
დღის სხვა შედეგები
ბარსელონა-ბენფიკა 3:1
ინტერი-ფეიენოორდი 2:1
ლევერკუზენი-ბაიერნი 0:2
