ბორჯღალოსნების მთავარმა მწვრთნელმა, რიჩარდ ქოქრილმა 8 ნოემბერს აშშ-სთან გასამართი ტესტ-მატჩისთვის 23-კაციანი შემადგენლობა დაასახელა.
საქართველოს მორგბეთა ნაკრებმა დღეს, ბათუმში მატჩის მასპინძელ სტადიონზე ივარჯიშა.
ხვალ შერკინების პირველ ხაზში თამაშს იწყებენ კვაჭი ირაკლი ქვათაძე და ბურჯები - დავით აბდუშელიშვილი და ბექა გიგაშვილი, მეორე ხაზში მიხეილ ბაბუნაშვილს ლადო ჩაჩანიძე შეუწყვილდება, მესამე ხაზში ლუკა ივანიშვილს, ბექა საღინაძეს და გუნდის კაპიტან ბექა გორგაძეს ვიხილავთ.
ღერძზე ვასილ ლობჟანიძეს ამჯერად თედო აბჟანდაძე შეუწყვილდება. ცენტრში თორნიკე კახოიძეს და გიორგი კვესელაძეს ვიხილავთ, ფრთებზე გიორგი შველიძე და აკაკი ტაბუცაძე დადგებიან, ფულბეკი კი დავით ნინიაშვილი იქნება.
შერკინების მარქაფაში არიან კვაჭი ვანო კარკაძე, ბურჯები გიორგი თეთრაშვილი და ლუკა ჯაფარიძე, მეორეხაზელი დემურ ეფრემიძე და მესამეხაზელი ილია სპანდერაშვილი. ხაზში გუნდს გააძლიერებენ გელა აფრასიძე, ლუკა მატკავა და დემე თაფლაძე.
საქართველო
ხაზი:15. დავით ნინიაშვილი (ლა როშელი), 14. აკაკი ტაბუცაძე (შავი ლომი), 13. გიორგი კვესელაძე (გრენობლი), 12. თორნიკე კახოიძე (შავი ლომი), 11. გიორგი შველიძე (ბრივი), 10. თედო აბჟანდაძე (ორიაკი), 9. ვასილ ლობჟანიძე (ოიონა);
შერკინება:1. დავით აბდუშელიშვილი (შავი ლომი), 2. ირაკლი ქვათაძე (შავი ლომი), 3. ბექა გიგაშვილი (ტულონი), 4. მიხეილ ბაბუნაშვილი (შავი ლომი), 5. ლადო ჩაჩანიძე (მონ დე მარსანი), 6. ლუკა ივანიშვილი (ბრისტოლი), 7. ბექა საღინაძე (ლიონი), 8. ბექა გორგაძე (პო, კაპ.).
მარქაფა:16. ვანო კარკაძე (ოიონა), 17. გიორგი თეთრაშვილი (პერპინიანი), 18. ლუკა ჯაფარიძე (მონპელიე), 19. დემურ ეფრემიძე (შავი ლომი), 20. ილია სპანდერაშვილი (ვალანსი); 21. გელა აფრასიძე (პერპინიანი), 22. ლუკა მატკავა (ოიონა), 23. დემე თაფლაძე (შავი ლომი).
აქამდე ბორჯღალოსნები აშშ-ს 7-ჯერ ეთამაშნენ და 4-ჯერ გაიმარჯვეს, აქედან ბოლო სამ შეხვედრაში ზედიზედ. უკანასკნელად აშშ-ს 2023 წელს თბილისში დავუხვდით და ჯერჯერობით სარეკორდო სხვაობით, 22:7 ვძლიეთ.
საქართველო აშშ-ს ხვალ ბათუმში უმასპინძლებს, შეხვედრა 16:00 საათზე დაიწყება.
შეგახსენებთ, ბორჯღალოსნები ნოემბერში სამ ტესტ-მატჩს გამართავენ, 15 ნოემბერს ბათუმში, კანადასთან, 22 ნოემბერს კი თბილისში, „მიხეილ მესხზე“ იაპონიასთან. სამივე მატჩი 16:00 საათზე დაიწყება. საქართველოს მორაგბეთა ნაკრებისთვის მნიშვნელოვანია სამივე შეხვედრის მოგება, რადგან ამჟამად მსოფლიო რეიტინგში მე-11 პოზიციაზე მყოფმა საქართველომ 2 მოწინავე გუნდს შორის ადგილი შეინარჩუნოს, რაც მსოფლიო თასის ჯგუფური ეტაპის კენჭისყრის წინ, ბორჯღალოსნებს უკეთესი კალათის გარანტიას მისცემს.
