ცნობილია საქართველოს კალათბურთელთა ეროვნული ნაკრების შემადგენლობა უკრაინასთან მატჩისთვის:
ქართველი კალათბურთელები 2027 წლის მსოფლიოს ჩემპიონატის საკვალიფიკაციო ტურნირზე ასპარეზობას იწყებენ, 27 ნოემბერს უკრაინას უმასპინძლებენ, 30 ნოემბერს კი სტუმრად ესპანეთს ტენერიფეში ეთამაშებიან. აღნიშნული ტურნირი 2 ეტაპიანია და 2 წლის განმავლობაში გრძელდება.
საქართველოს ნაკრებს ხვალ შემოუერთდება თორნიკე შენგელია. გიორგი შერმადინისთვის კი უკრაინასთან მატჩი ბოლო საშინაო შეხვედრა იქნება, შეგახსენებთ, ესპანეთთან მატჩით შერმადინი სანაკრებო კარიერას ასრულებს.
მსოფლიოს 2027 წლის ჩემპიონატის საკვალიფიკაციო ტურნირის ფორმატი: პირველ ჯგუფურ ეტაპზე 2 წრე ჩატარდება და საუკეთესო 3 ნაკრები მომდევნო (ჯგუფურ) ეტაპზე გავა, სადაც ასევე 3 საუკეთერსო სხვა ჯგუფიდან (საბერძნეთი, მონტენეგრო, პორტუგალია, რუმინეთი) გადმოვა და შედგება 6-გუნდიანი ჯგუფი.პირველი ეტაპზე ერთმანეთში ნაჩვენები შედეგები გუნდებს მე-2 ჯგუფში გადაჰყვებათ და იქ მხოლოდ იმ გუნდებს შეხვდებიან, რომლებთანაც მანამდე არ უთამაშიათ (მატჩები 2026 წლის აგვისტო-ნოემბერში და 2027 წლის თებერვალში ჩატარდება). საბოლოო ჯამში, ჯგუფების 3-3 საუკეთესო ნაკრები (ჯამში 12) მსოფლიოს ჩემპიონატზე თამაშის უფლებას მოიპოვებს.
საქართველო - უკარაინის მატჩი 27 ნოემბერს თბილისი არენაზე 20:50 საათზე დაიწყება.
