ინტერ მაიამის კაპიტანმა, ლიონელ მესიმ დაასახელა მთავარი მიზეზი, თუ რატომ ჩამორჩება MLS-ი ევროპის წამყვან ლიგებს. რვა ოქროს ბურთის მფლობელი არგენტინელი ფლეიმეიქერის აზრით, მთავარი პრობლემა სახელფასო ჭერში მდგომარეობს. ცნობისთვის, მის აზრს ზლატან იბრაჰიმოვიჩისც იზიარებს.
"თითოეულ გუნდს უნდა ჰქონდეს იმის შესაძლებლობა, რომ გაიფორმოს ის ფეხბურთელი, რომელიც მას სურს, ყოველგვარი შეზღუდვებისა და რთული წესების გარეშე. ფაქტია, რომ კლუბები მზად არიან ცვლილებებისთვის და ამერიკის ჩემპიონატში თამაში არაერთ ვარსკვლავს უნდა."
"MLS-ს თავისივე წესები აფერხებს. დიახ, ლიგა ვითარდება, თუმცა ძალიან ნელი ნაბიჯებით. იზრდება ხარისხი, მაგრამ ევროპის ტოპ ლიგები ჯერ კიდევ ძალიან წინ არიან. პოტენციალი ამ ყველაფერს ნამდვილად დიდი აქვს, განსაკუთრებით მუნდიალის წინ. მიეცით კლუბებს თავისუფლება."
