"ტიაგოს ისეთ გუნდებში უთამაშია როგორიცაა პსჟ, ბარსელონა და ინტერი. მან კარგად იცის, როგორ უნდა იმუშაოს დიდ კლუბში და როგორი ურთიერთობაა საჭირო ფეხბურთელებთან წარმატების მისაღწევად. ამიტომ, საერთოდ არ ვფიქრობ, რომ როცა ტოპ კლუბში წავა, მას რაიმე პრობლემა შეექმნება."
"ტიაგოსთვის მამასავით ვარ, ის მომავალზე ბევრს არ მესაუბრება, თუმცა კარგად იცის, რომ სეზონის ბოლოს, დამშვიდებულ გონებაზე შეუძლია მომავალთან დაკავშირებით მესაუბროს."
"მას ბევრი შემოთავაზება ექნება, მოლაპარაკებებში არა მხოლოდ იტალიური გუნდები, არამედ ესპანური და ფრანგული კლუბებიც იქნებიან, მოტას ბევრი აკვირდება. ის ახლა მხოლოდ ბოლონიაზე ფიქრობს და სურს, რაც შეიძლება მაღალ მიზნებს მიაღწიოს ამ გუნდთან ერთად."
"იბრაჰიმოვიჩი? მათ მილანსა და ინტერში თამაშის დროს, ცუდი ურთიერთობა ჰქონდათ, ისეთი, როგორც დერბის დროს აქვთ ხოლმე ფეხბურთელებს, თუმცა პსჟ-ში ტრანსფერის შემდეგ, ისინი ნამდვილი მეგობრები გახდნენ, ერთმანეთს დიდ პატივს სცემენ, თან ხასიათითაც ძალიან ჰგვანან."
"რეალ მადრიდი, იუვენტუსი, მილანი და პსჟ? დიდი კლუბები, მათზე ბევრის საუბარი საჭირო არაა. თუ ტოპ კლუბი დაგვირეკავს, უარის თქმა რთული იქნება."
"ტიაგო პროექტის მწვრთნელია, მან იცის, როგორ უხელმძღვანელოს გუნდს. არ ვფიქრობ, რომ ის უბრალოდ ნებისმიერ შეთავაზებას დათანხმება - მას კარგი პროექტის ჩაბარება სჭირდება და არა უბრალოდ გუნდის გაწვრთნა."
