2025 წლის 20 წლამდელთა მსოფლიო ჩემპიონატის პირველ ტურში, საქართველოს ახალგაზრდული ნაკრები ირლანდიას შეხვდა და დაძაბულ ბრძოლაში 35-28 დამარცხდა.
აღნიშნულ შეხვედრაში უმცროსმა ბორჯღალოსნებმა 4 ლელო დადეს, მხოლოდ 7 ქულის სხვაობით დამარცხდნენ და 2 ნუგეში ქულა ჩაიწერეს აქტივში, ხოლო ირლანდიამ 5 ქულა მოიპოვა. ჯგუფის მეორე შეხვედრაში ახალმა ზელანდიამ მასპინძელი იტალია 14-5 დაამარცხა.
მსოფლიო ჩემპიონატზე მომდევნო მატჩს საქართველოს 20 წლამდელთა ნაკრები ახალი ზელანდიის წინააღმდეგ გამართავს — შეხვედრა 4 ივლისს, თბილისის დროით 20 საათზე აიღებს სტარტს.
