2025 წლის რაგბის 20 წლამდელთა მსოფლიო თასის ჯგუფური ეტაპის ბოლო ტურში, საქართველოს ნაკრები მასპინძელ იტალიას შეხვდა — მატჩი ფრედ, 19-19 დასრულდა.
აღნიშნული შეხვედრა საქართველოსთვის მძიმედ დაიწყო. დებიუტში დვალმა წითელი ბარათი მიიღო და უმცროსი ბორჯღალოსნები მოედანზე 14 კაცით დარჩნენ. ანგარიში კი მასპინძლებმა ზანანდრევას ლელოთი გახსნეს, რასაც ხახუბიამ უპასუხა და გაათანაბრა. ტაიმის მიწურულს, კასარტელიმ დადო ლელო, რომელიც ტოდარომ გარდასახა და იტალია შესვენებაზე 7 ქულიანი უპირატესობით გავიდა.
მეორე ტაიმის დასაწყისში სპანდერაშვილმა დაალელოვა მეტოქე, ხოლო გარდასახვა ზუსტად თაყაიშვილმა შეასრულა და ანგარიში 12-12 გახდა. მატჩის ბოლო წუთები დრამატული გამოდგა — ჯერ შიოშვილმა დადო ლელო, რომელიც კვლავ თაყაიშვილმა გარდასახა, ხოლო ბოლო წამზე ტოდარომ გამოიჩინა თავი, გარდასახვაც ზუსტად შეასრულა და საბოლოო ანგარიში, 19-19 დააფიქსირა.
ამრიგად, საქართველოს 20 წლამდელთა ნაკრებმა მსოფლიო თასის ჯგუფურ ეტაპზე ასპარეზობა 4 ქულით ბოლო ადგილზე დაასრულა და 9-12 ადგილებისთვის გააგრძელებს ბრძოლას.
