ლივერპული ლოდინს აღარ აპირებს და უკვე გეგმა ბ-ზე გადადის: რუბენ ამორიმი მერსისაიდული კლუბის სიაშია და ახლა სწორედ ისაა მთავარი სამიზნე. რაც შეეხება ბაიერნს, გერმანული გრანდი ალონსოს გადმობირებას ბოლომდე შეეცდება, თუმცა მათაც ჰყავთ სხვა ვარიანტები, რომელთაგან გამოკვეთილი კანდიდატი რობერტო დე ძერბია. ასევე, განიხილება რალფ რანგნიკის ვარიანტიც.
ზაფხულამდე გარკვეული დრო კიდევ არის დარჩენილი, შესაბამისად, არის შანსი სიტუაცია შეიცვალოს ან გუნდებმა სხვა ვარიანტებზე დაიწყონ მუშაობა.
რაც შეეხება ჩაბი ალონსოს, 42 წლის სპეციალისტის კონტრაქტში 2025 წელს გამოსასყიდი თანხა ამოქმედდება. ზუსტად რა თანხაზეა საუბარი, ჯერჯერობით, უცნობია, თუმცა რაც დანამდვილებით ვიცით ისაა, რომ ესპანელი ლევერკუზენის დატოვებას ჯერ არ გეგმავს.
"უფროსობასთან კარგი შეხვედრა მქონდა. მათ ვუთხარი, რომ მომდევნო სეზონშიც დავრჩებოდი. გადაწყვეტილება საბოლოოა, აქ თავს იდეალურად ვგრძნობ. ლევერკუზენში ჩემი სამუშაო ჯერ არ დასრულებულა, მსურს გუნდს და ფეხბურთელებს განვითარებაში დავეხმარო. მეც ახალგაზრდა მწვრთნელი ვარ და აქაური გარემო ჩემი მომავლისთვისაც იდეალურია." - ჩაბი ალონსო.
