მსოფლიოს საკლუბო ჩემპიონატი დასასრულს უახლოვდება. მაყურებელს წინ ორი ნახევარფინალური დაპირისპირება ელოდება. დღეს, თბილისის დროით 23:00 საათზე ერთმანეთს ფლუმინენსე და ჩელსი დაუპირისპირდებიან, ხოლო ხვალ საოცარი მატჩის მოლოდინში ვართ — პსჟ vs. რეალ მადრიდი!
პარიზული კლუბი ამ დაპირისპირებას ძალიან დიდი დანაკლისით ხვდება. ლუის ენრიკეს ცენტრალური მცველი ვილიან პაჩო დააკლდება, რომელმაც 1/4 ფინალში წითელი ბარათი მიიღო. ფიფამ ეკვადორელი ფეხბურთელი 2-მატჩიანი დისკვალიფიკაციით დასაჯა.. მსგავსი სასჯელი შეხვდა ლუკას ერნანდესსაც, რომელიც ასევე ორი მატჩით დაისაჯა. თუ პარი სენ-ჟერმენმა რეალის ბარიერი გადალახა, ეს ფეხბურთელები საკუთარ გუნდს ფინალში ვერ დაეხმარებიან.
რაც შეეხება რეალ მადრიდის დანაკლისს, ჩაბი ალონსო დინ ჰაუსენის გარეშე იქნება. ახალგაზრდა ესპანელი მცველი 1-მატჩიანი დისკვალიფიკაციით დასაჯეს.
