პრემიერ ლიგის მე-12 ტურის ერთ-ერთი გამორჩეული მატჩი ენფილდზე გაიმართა, სადაც მაყურებელმა ლივერპულისა და ნოტინგემ ფორესტის დაპირისპირება იხილა. სანაკრებო პაუზის შემდეგ, არნე სლოტის გუნდს ალისონ ბეკერი დაუბრუნდა და ბევრი ფიქრობდა, რომ "წითლების" საქმე ბევრად კარგად წავიდოდა, თუმცა შონ დაიჩსა და მის ბიჭებს სულ სხვა გეგმები ჰქონდათ.
იმის მიუხედავად, რომ ლივერპულმა მატჩი აქტიურად დაიწყო, გოლების გატანა მხოლოდ ნოტინგემ ფორესტმა მოახერხა. სტუმრებმა ენფილდის ბინადრებს არც მეტი, არც ნაკლები 3 უპასუხო გოლი გაუტანეს და დამსახურებული გამარჯვებაც მოიპოვეს.
არნე სლოტის გუნდის კრიზისი გრძელდება — ლივერპულმა ბოლო 5 მატჩიდან 4 წააგო, რაც ჩემპიონი გუნდისთვის ძალიან ცუდი სტატისტიკაა. ნოტინგემმა ამ გამარჯვებით 12 ქულა მოაგროვა, რითაც გასავარდნ ზონას თავი დააღწია და მე-16 პოზიციაზე გადაინაცვლა. რაც შეეხება მერსისაიდელებს, ლივერპული 18 ქულით, მე-11 პოზიციამდე დაქვეითდა.
ლივერპული 0-3 ნოტინგემ ფორესტი
გოლები: 0-1 მურილიო 33', 0-2 ნიკოლო სავონა 46', 0-3 მორგან გიბს-უაითი 78'.
მატჩის მიმოხილვა
