[VIDEO] უეფა ალვარესის გაუქმებულ პენალტზე ოფიციალურ განცხადებასა და ვიდეოს ავრცელებს

ატლეტიკო მადრიდმა უეფას ოფიციალურად მიმართა იმ ინციდენტის შესახებ, რა დროსაც ხულიან ალვარესის პენალტი რეალ მადრიდის კარში გაუქმდა. მადრიდული კლუბი განმარტებას ითხოვდა არგენტინელი ფეხბურთელის პენალტის გაუქმებასთან დაკავშირებით.

ამ საჩივართან დაკავშირებით, უეფამ განცხადება გაავრცელა:

"მიუხედავად იმისა, რომ შეხება მინიმალური იყო, მოთამაშემ ბურთთან კონტაქტი დაამყარა ორივე ფეხით, როგორც ეს ნაჩვენებია თანდართულ ვიდეოში. წესების მიხედვით (კანონი 14.1), VAR-ის ოთახში მომუშავე მსაჯებს უფლება ჰქონდათ ჩარეულიყვნენ და მთავარი მსაჯისთვის მიემართათ, რათა გოლი გაუქმებულიყო."

განცხადებაში ასევე იმასაც ვკითხულობთ, რომ უეფა უახლოეს პერიოდში დისკუსიას დაიწყებს ფიფასთან და IFAB-თან, რათა დადგინდეს, უნდა გადაიხედოს თუ არა ზემოთ ხსენებული წესი იმ შემთხვევებში თუ ბურთთან ორმაგი შეხება, აშკარად უნებლიეა.

🚨 This was the video UEFA used to prove their point in their statement. pic.twitter.com/8vEgyY3Z7l

— Atletico Universe (@atletiuniverse) March 13, 2025