მას შემდეგ, რაც ლიონი ფინანსური პრობლემების ფონზე ლიგა 2-ში დააქვეითეს, ბევრი ფრანგული გამოცემა ვარაუდობდა, რომ კლუბს უეფას სასჯელიც ემუქრებოდა, კერძოდ, ევროპა ლიგიდან მოკვეთა. ლიონის საქმეს ართულებდა კრისტალ პალასიც — შეგახსენებთ, ჯონ ტექსტორი როგორც ინგლისურ, ისე ფრანგულ კლუბსაც ფლობს, რაც უეფას წესებს ეწინააღმდეგება. ერთ მფლობელობაში მყოფ კლუბებს, ერთ ტურნირზე მონაწილეობის უფლება არ აქვთ.
რამდენიმე წუთის წინ, ლიონმა ოფიციალური განცხადება გაავრცელა, სადაც ნათქვამია, რომ კლუბმა უეფასთან შეთანხმებას მიაღწია, რის მიხედვითაც ევროპა ლიგაზე ასპარეზობას ჩვეულებრივად მოახერხებს. ლიონმა საფრანგეთის ფეხბურთის ასოციაციას დავა, რომც ვერ მოუგოს, კლუბს ევროტურნირიდან მაინც არ მოკვეთავენ.
ახლა ისმის კითხვა რა ბედი ელის კრისტალ პალასს — გავრცელებული ინფორმაციის თანახმად, ჯონ ტექსტორი კლუბის წილის გაყიდვას აპირებს, რაც "არწივებს" უეფასგან პრობლემებს წესით და რიგით აარიდებს. უეფაში ინგლისური კლუბის საქმის განხილვა მომდევნო კვირასაა ჩანიშნული.
