რვა განსხვავებული მოწინააღმდეგის დასადგენად, გუნდები განთესილნი იქნებიან ოთხ კალათაში, მათი ინდივიდუალური საკლუბო კოეფიციენტის მიხედვით. შეიქმნება ე.წ. “შვეიცარიულ სისტემა” — 36 კლუბი ერთ დიდ ლიგაში იასპარეზებს, შეიქმნება ერთი ცხრილი და აღარ იქნება ჯგუფური ეტაპი.
ლიგის ფაზაში გუნდებს არ შეუძლიათ დაუპირისპირდნენ თავიანთი ქვეყნის წარმომადგენლებს, თუმცა შეიძლება შეხვდნენ სხვა ერთი ქვეყნიდან მხოლოდ ორ მეტოქეს.
როგორ იქნება წილისყრა?
36-ვე გუნდი გათამაშდება ფიზიკური ბურთების გამოყენებით — ავტომატური პროგრამული უზრუნველყოფა შემთხვევით გამოავლენს რვა ოპონენტს ოთხივე კალათიდან, რომლებიც გამოვლინდებიან დარბაზში დამონტაჟებულ ეკრანზე. პროგრამა ასევე გადაწყვეტს, რომელი მატჩები იქნება სახლში და რომელი გასვლაზე.
გათამაშება დაიწყება 1-ლი კალათით და რიგრიგობით ყველა გუნდს დაენიშნება რვა მოწინააღმდეგე, ერთმანეთის მიყოლებით და ასე გაგრძელდება ყველა კალათაში, სანამ ყველა გუნდის მეტოქე არ გაირკვევა. პროგრამული უზრუნველყოფა იძლევა იმის გარანტიას, რომ რაიმე სახით არ მოხდება ერთი ქვეყნის წარმომადგენლებთან დაპირისპირება და არაუმეტეს ორი მოწინააღმდეგე ერთი და იმავე ქვეყნიდან.
მიუხედავად იმისა, რომ გუნდები კენჭისყრის ბოლომდე გაარკვევენ ყველა მეტოქეს, მატჩების თარიღები და დროები შემუშავებული იქნება გარკვეული პერიოდის შემდეგ, რათა არ მოხდეს კალენდარული გადატვირთვა ევროპა ლიგის გუნდებთან და ამავე ქალაქებში მოთამაშე კონფერენს ლიგის გუნდებთან.
