პრემიერ ლიგის მე-16 ტურის კიდევ ერთი მატჩი ენფილდზე გაიმართა, სადაც მაყურებელმა ლივერპული-ბრაიტონის დაპირისპირება იხილა. გუნდები ამ შეხვედრას არც ისე კარგ ფორმაში შეხვდნენ, შესაბამისად, მატჩამდე ფავორიტის დასახელება მარტივი არ იყო.
არნე სლოტმა უგო ეკიტიკეს ნდობა კიდევ ერთხელ გამოუცხადა, რაც ფრანგმა ფეხბურთელმა გატანილ გოლებში გადასახა. ახალგაზრდა შემტევმა "თოლიებს" დუბლი შეუსრულა და საკუთარ გუნდს უმნიშვნელოვანესი 3 ქულა მოუტანა. აუცილებლად უნდა ითქვას ისიც, რომ უგო ეკიტიკემ მეორე გოლი მო სალაჰის საგოლე გადაცემით გაიტანა, რომელიც ლივერპულს ამ ტურის წინ დაუბრუნდა.
მერსისაიდელებმა ამ გამარჯვების შემდეგ 26 ქულა მოაგროვეს და დროებით მე-6 პოზიციაზე გადავიდნენ. რაც შეეხება ბრაიტონს, ფაბიან ჰიურცელერის გუნდი 23 ქულით, მე-9 პოზიციაზე დარჩა.
ლივერპული 2-0 ბრაიტონი
გოლები: 1-0 უგო ეკიტიკე 1', 2-0 უგო ეკიტიკე 60'.
