იტალიის სერია ა-ს მესამე ტურში, მოქმედი ჩემპიონი, ნაპოლი ფიორენტინას ესტუმრა და მეტოქე 3-1 დაამარცხა.
მატჩის ანგარიში სტუმრებმა მე-6 წუთზე გახსნეს — თერთმეტმეტრიანი დარტყმა ზუსტად დე ბრუინმა შეასრულა. მე-14 წუთზე ჰოილუნმა ნაპოლის მაისურით სადებიუტო გოლი გაიტანა და კონტეს გუნდი შესვენებაზე კომფორტული უპირატესობით გავიდა.
მეორე ტაიმის დებიუტში, 51-ე წუთზე თავი ნეაპოლური კლუბის ცენტრალურმა მცველმა, ბეუკემამ გამოიჩინა და სხვაობა სამბურთიანი გახადა. 79-ე წუთზე, რანიერიმ პრესტიჟის გოლი გაიტანა და საბოლოო ანგარიში, 1-3 დააფიქსირა.
ფიორენტინა 1-3 ნაპოლი
გოლები: 0-1 დე ბრუინი (6'), 0-2 ჰოილუნი (14'), 0-3 ბეუკემა (51'), 1-3 რანიერი (79')
სამი მატჩის შემდეგ, ნაპოლის 9 ქულა აქვს და სატურნირო ცხილს იუვენტუსთან ერთად ლიდერობს — კონტეს გუნდი მომდენო ტურში პიზას უმასპინძლებს.
