იტალიის სერია ა-ს მე-12 ტურში, მოქმედმა ჩემპიონმა, ნაპოლიმ საკუთარ კედლებში ატალანტა მიიღო და მეტოქე უხვგოლიან მატჩში 3-1 დაამარცხა.
მასპინძლებმა სამივე გოლი პირველივე ტაიმში გაიტანეს — დუბლი დავიდ ნერეშმა გაიფორმა, ხოლო ერთი ბურთი ნოა ლანგის ანგარიშზეა. სტუმრებიდან კი მეორე ტაიმის სტარტზე, 52-ე წუთზე თავი ჯანლუკა სკამაკამ გამოიჩინა.
ნაპოლი 3-1 ატალანტა
გოლები: 1-0, 2-0 ნერეში (17', 38'), 3-0 ლანგი (45'), 3-1 სკამაკა (52')
დღევანდელი გამარჯების შემდეგ, ნაპოლის 25 ქულა მოუგროვდა და სატურნირო ცხრილში პირველ ადგილზე გადაინაცვლა. ანტონიო კონტეს გუნდი მომდევნო ტურში სტადიო ოლიმპიკოზე ჯანპიერო გასპერინის რომას ესტუმრება.
