სერია A-ს მე-15 ტურის მორიგი მატჩი სან სიროზე გაიმართა, სადაც მაყურებელმა მილანისა და სასუოლოს დაპირისპირება იხილა. იმის მიუხედავად, რომ მაქს ალეგრის გუნდი ამ შეხვედრას ფავორიტის სტატუსით შეხვდა, "როსონერიმ" მნიშვნელოვანი ქულები მაინც დაკარგა.
მილანიდან დუბლის შესრულება 19 წლის განაპირა მცველმა დავიდე ბარტეზაგიმ შეძლო, ხოლო სასუოლოდან გოლები ისმაელ კონემ და არმან ლორიენტემ გაიტანეს.
"როსონერი" ამ ტურის შემდეგ 32 ქულას აგროვებს და დროებით პირველ ადგილს ინარჩუნებს, რაც შეეხება სასუოლოს, ფაბიო გროსოს გუნდი 21 ქულით, მე-9 პოზიციაზე გადავიდა.
მილანი 2-2 სასუოლო
გოლები: 0-1 ისმაელ კონე 13', 1-1 დავიდე ბარტეზაგი 34', 2-1 დავიდე ბარტეზაგი 47', 2-2 არმან ლორიენტე 77'.
მატჩის მიმოხილვა
