უხვგოლიანი მატჩი სან სიროზე - მილანმა პრაღის სლავია დაამარცხა

კონფერენს ლიგის 1/8-ფინალური ეტაპის პირველ მატჩში, მილანმა სან სიროზე პრაღის სლავია მიიღო და მეტოქე 4:2 დაამარცხა.

შეხვედრის ანგარიში 34-ე წუთზე ჟირუმ გახსნა, ხოლო ზუსტად 2 წუთში დუდერამ ლამაზი დარტყმით გაათანაბრა. 44-ე წუთზე, რეინდერსმა საჯარიმოს გარედან გაიტანა და მილანი კვლავ დააწინაურა, ხოლო 46-ე წუთზე ლოფტუს-ჩიკმა სხვაობა ორამდე გაზარდა და პირველი ტაიმი როსონერიმ 3:1 მოიგო.

მეორე ტაიმის შუაში, 65-ე წუთზე, შრანცმა სხვაობა ერთ ბურთამდე შეამცირა, მატჩის საბოლოო ანგარიში, 4:2 კი მილანის შემტევმა, კრისტიან პულისიკმა, 85-ე წუთზე დააფიქსირა. აღსანიშნავია, რომ 26-ე წუთზე სლავია 10 კაცით დარჩა - უხეშობის გამო მსაჯმა მოედნიდან დიუფი გააძევა.

გუნდებს შორის განმეორებით მატჩი ჩეხეთში, ზუსტად 1 კვირაში გაიმართება.