სულ რამდენიმე წუთის წინ ტენერიფეში 2027 წლის მსოფლიო ჩემპიონატის საკვალიფიკაციო ეტაპის მეორე მატჩი დასრულდა, სადაც მაყურებელმა ესპანეთი-საქართველოს საკალათბურთო დაპირისპირება იხილა.
პირველ ტურში უკრაინასთან განცდილი მარცხის შემდეგ, ჩვენს ნაკრებს ესპანეთთან აუცილებლად გამარჯვება ესაჭიროებოდა, თუმცა მასპინძლებმა ალეკსანდარ ჯიკიჩის გუნდი ყველა კომპონენტში დაჯაბნეს და საკმაოდ მარტივი გამარჯვებაც მოიპოვეს. მატჩი საბოლოო ჯამში 90-61 დასრულდა.
ესპანეთის მხრიდან პარკეტზე საუკეთესო სანტიაგო იუსტა იყო, რომელმაც 17 ქულა ჩააგდო, 4 მოხსნა შეასრულა და 6 პასიც მიითვალა. ჩვენს ნაკრებს თორნიკე შენგელიამ ულიდერა: 10 ქულა, 7 მოხსნა, 1 პასი.
საქართველოს საკალათბურთო ნაკრები მსოფლიო ჩემპიონატის საკვალიფიკაციო ეტაპის მომდევნო შეხვედრას 2026 წელს ჩაატარებს. ჩვენი ნაკრების მეტოქე დანია იქნება, მატჩი კი 27 თებერვალს ჩატარდება.
მატჩის მიმოხილვა
