2024 წლის ევროპის ჩემპიონატის 1/2 ფინალში ინგლისის ნაკრებმა ნიდერლანდები 2:1 დაამარცხა და ფინალში გავიდა, სადაც ესპანეთს შეხვდება.
მატჩის გადამწყვეტი მომენტი 81-ე წუთი გამოდგა, როდესაც ინგლისის ნაკრების მთავარმა მწვრთნელმა, გარეთ საუთგეიტმა მოედანზე ოლი უოტკინსი და კოულ პალმერი შეიყვანა.
91-ე წუთზე ინგლისმა გამარჯვების გოლი გაიტანა — საგოლე გადაცემა სწორედ პალმერმა გაიფორმა, ხოლო მეტოქის კარი უოტკინსმა აიღო, რომელიც მატჩის საუკეთესო ფეხბურთელი გახდა.
"ჩემი და ჩემი შვილების სიცოცხლეს გეფიცებით, მატჩის დაწყებამდე პალმერს ვუთხარი, რომ მისი პასით გოლს გავიტანდით" — განაცხადა შეხვედრის დასრულების შემდეგ 28 წლის შემტევმა.
ევრო 2024-ის ფინალური მატჩი, სადაც ერთმანეთს ესპანეთისა და ინგლისის ეროვნული ნაკრებები დაუპირისპირდებიან კვირას, 14 ივლისს, თბილისის დროით 23:00 საათზე დაიწყება.
უოტკინსი: "შვილებს გეფიცებით, პალმერს ვუთხარი, რომ მისი პასით გოლს გავიტანდი"
