მატჩის მთავარმა არბიტრმა, მანუელ ვოლპიმ, რამდენიმე უხეში შეცდომა დაუშვა, რამაც მატჩის შედეგზე უდიდესი გავლენა მოახდინა.
თუ შეცდომების შემდეგ მსაჯებს რამდენიმე მატჩიანი დისკვალიფიკაციით სჯიან ხოლმე, ამ შემთხვევაში უპრეცედენტო შემთხვევა დაფიქსირდა, ვოლპიმ სამსაჯო კარიერა მატჩის შემდეგ საკუთარი ნებით დაასრულა.
"უხეში შეცდომა დავუშვი და უნდა წავიდე. დიდი მადლობა მინდა გადავუხადო ყველას თანადგომისთვის. მადლობა ამ მატჩში მონაწილე ფეხბურთელებს, რომელთაც ჩემი ეს გადაწყვეტილებები ნორმალურად მიიღეს. ყოველთვის სამწუხაროა, როცა შეცდომას უშვებ, რადგან ჩვენი, ყველას, მიზანია ფეხბურთს ყველაფერი საუკეთესო მივცეთ", - განაცხადა ვოლპიმ.
35 წლის იტალიელი მსაჯი ძირითადად სერია ბ-ს მატჩებზე მუშაობდა, თუმცა მას თავის კარიერაში სერია ა-ს 20 შეხვედრაში აქვს ნამსაჯი.
