თუმცა არავინ იცის, რომ 2010 წელს, მისი შეძენით ნაპოლი ინტერესდებოდა და აქტიური მოლაპარაკებები იყო დაწყებული.
ამის შესახებ ინფორმაციას ლეჩეს ამჟამინდელი მთავარი მწვრთნელი, ლუკა გოტი ავრცელებს და საინტერესო ისტორიას გვიყვება.
"მაცარი 2010 წელსაც ნაპოლის მთავარი მწვრთნელი იყო, 3-5-2 ტაქტიკით თამაშობდა და ეძებდა მარჯვენა გარემარბს, რომელიც ამ ტაქტიკას იდეალურად მოერგებოდა.
იმ დროს, ნაპოლის დირექტორი ჩემი ახლო მეგობარი იყო, მანქანაში შესაძლო ვარიანტებს განვიხილავდით და ვუთხარი, რომ ტოტენჰემში თამაშობდა ახალგაზრდა ბიჭი, რომელიც მაცარის ხედვებში ჩაჯდებოდა. მაშინ ბეილს ბევრი არ იცნობდა.
ნაპოლიმ ბეილთან და ტოტენჰემთან მოლაპარაკებები დაიწყო, თუმცა ჩვენი საუბრიდან ზუსტად 20 დღეში, მან ინტერის წინააღმდეგ ჰეთ-თრიკი შეასრულა და მთელი მსოფლიოს ყურადღება მიიპყრო.
ამ ბრწყინვალე მატჩის შემდეგ, ტოტენჰემმა ბეილის გაშვება არ ისურვა, შემდეგ კი რეალში გაყიდა", - განაცხადა გოტიმ.
