თურქეთთან გასამართი მატჩის წინ კომენტარი საქართველოს ნაკრების კაპიტანმა გურამ კაშიამ გააკეთა.
"სანაკრებო თამაშებზე დროში ყოველთვის შეზღუდულები ვართ. გუშინდელი ვარჯიში ძალიან ნაყოფიერი იყო და ბევრ კარგ რამეზე ვიმუშავეთ, რამაც თავდაჯერება შეგვმატა.
თურქეთთან ევროპის ჩემპიონატზე ვითამაშეთ და მახსოვს როგორც კარგად ჩატარებული მატჩი. 3 გოლი გავუშვით და ამას არ ვიმსახურებდით. ხვალ უფრო მეტი თავდაჯერებით ვითამაშებთ.
რაც მთავარია, საკუთარ კედლებში, საკუთარი გულშემატკივრის წინ ვიქნებით და ვეცდებით, მაქსიმუმი გავაკეთოთ.
სამწუხაროა, რომ ჩაკვეს და კიტეს სახით ორი ფეხბურთელი დაგვაკლდება. მათ გარეშე გაგვიჭირდება, მაგრამ დიდი იმედი მაქვს, ხვალ ეს არ დაგვეტყობა. კიტესთან ერთად და კიტეს გარეშე სულ სხვანაირი ნაკრებია და ეს ბევრჯერ გამოჩნდა.
რთულ ჯგუფში ვართ, ესპანეთთან თამაში ყოველთვის რთულია, თუ მსოფლიო ჩემპიონატზე მოხვედრა გვინდა, თურქეთთან და ბულგარეთთან უნდა მოვიგოთ. რეალურად, ხვალიდნელი თამაში იქნება გადამწყვეტი, თუ როგორ დავიწყებთ ჯგუფს..
ბოლო რამდენიმე წელია, სამაგალითო გულშემატკივრები გვყავს. ისინი ხვალ ბოლომდე გაგვამხნევებენ და ჩვენც ვეცდებით, რომ გავახაროთ', - გურამ კაშია
