ლაშა გურული პროფესიულ კრივში მორიგი ბრძოლის ჩასატარებლად ემზადება. ქართველი 7 თებერვალს ინგლისის ქალაქ ლივერპულში იასპარეზებს. გურულის მეტოქე 29 წლის ნიკარაგუის წარმომადგენელი ბრანდონ რივერა იქნება.
მომავალი ბრძოლისა და სამზადისის შესახებ, ლაშა გურულმა LaGazzetta.ge-სთან კომენტარი გააკეთა:
“ჩემ გუნდთან ერთად გავიარე მზადება, როგორც წინა ბრძოლებისთვის. შემიძლია ვთქვა, რომ 100 %-ით მზად ვარ ბრძოლისთვის, რაც შეხება ჩემ მეტოქეს ჩატარებული აქვს 7 ბრძოლა, საიდანაც 5 მოგება აქვს, 1 წაგება და 1 ფრე. პროფესიული რიგზე აქამდე მე ორი ბრძოლა მაქვს ჩატარებული, მას 7, ვერ ვიტყვი რომ გამოუცდელია, ვემზადები ისე, როგორც საჩემპიონო ბრძოლისთვის, მზად ვარ მოსაგებად. კიდევ მექნება 2 ან 3 ბრძოლა, ჩემი მიზანია გავხდე მსოფლიოს ჩემპიონი.
რაც შეეხება ალექსანდრე თოფურიას, ის ლონდონში ჩემ კუთხეში იყო, ამ ბრძოლაზე ალექსანდრე არ იქნება, რადგან ამ დროისთვის ძალიან დაკავებულია.”
შეგახსენებთ ლაშა გურულის დებიუტი პროფესიულ კრივში 2025 წლის მარტში, რუსთავში შედგა, ქართველმა Martlab boxing promotion-ის ღონისძიებაზე განელი ბერნარდ აბეი დაამარცხა. შემდეგ კი Usyk vs Dubois პრესტიჟულ ღონისძიებაზე სუპერმსუბუქ წონაში ლაშამ ინგლისელ ჯეიმს ფრანსისი დაამარცხა.
ლაშა გურულმა 2024 წლის პარიზის ოლიმპიურ თამაშებზე ბრინჯაოს მედალი მოიპოვა, მის ანგარიშზე ასევე მსოფლიოსა და ევროპის ჩემპიონატის მედლებია. ქართველმა მოკრივემ შარშან მსოფლიოს ჩემპიონატზე ზედიზედ მესამედ მოიპოვა ბრინჯაოს მედალი.
