რუმინეთის დამარცხების და 2026 წლის რაგბი ევროპის ჩემპიონატის ფინალში გასვლის შემდეგ, საქართველოს რაგბის კავშირის პრეზიდენტმა, დავით კაჭარამ კომენტარი გააკეთა.
"რა თქმა უნდა მნიშვნელოვანია, რომ თასი ჩვენთან დარჩა და ვულოცავ საქართველოს ამ გამარჯვებას. ველოდებით ფინალს, რომელიც 15 მარტს მადრიდში გაიმართება და ჩვენი მეტოქის ვინაობა დღეს გაირკვევა."
"ვფიქრობ, რომ ჩვენი თამაში ყველა მატჩში კიდევ უფრო უმჯობესდება და უკეთეს თამაშს ვაჩვენებთ. მინდა მადლობა გადავუხადო ბიჭებს და გულშემატკივრებს. იმედი მაქვს, რომ ყველაფერი კარგად დასრულდება და კიდევ ერთხელ გავხდებით ამ ტურნირის გამარჯვებულები."
"ჩვენთვის როგორც დღევანდელი, ასევე ყველა სხვა მატჩი არის მომზადება 2027 წლის მსოფლიო თასისთვის. ჯგუფში ძლიერი მეტოქეები გვეყოლება და მნიშვნელოვანია, რომ სამწვრთნელო შტაბმა ყველა დეტალი კარგად გაანალიზოს" — დავით კაჭარავა.
რაგბი ევროპის ჩემპიონატის ფინალში საქართველოს ეროვნული ნაკრების მეტოქე დღეს მოგვიანებით გაირკვევა — მეორე 1/2 ფინალში პორტუგალია ესპანეთს უმასპინძლებს და გამარჯვებული თასისთვის ბრძოლას გააგრძელებს. ფინალური მატჩი კი 15 მარტს, მადრიდში გაიმართება და თბილისის დროით 21 საათსა და 45 წუთზე დაიწყება.
