[VIDEO] 20 ქულა ლეიკერსთან! — მამუკელაშვილის მორიგი ტოპ პერფორმანსი

გუშინ ღამით NBA-ის კიდევ ერთი შეხვედრა ლოს ანჯელესში გაიმართა, სადაც ადგილობრივი ლეიეკრსი ტორონტო რეპტორსს დაუპირისპირდა. Crypto.com არენაზე შეკრებილმა მაყურებელმა საკმაოდ დაძაბული და სანახაობრივი მატჩი იხილა, სადაც გამარჯვება მასპინძელ გუნდს დარჩა, 110-93.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმა, რომელმაც პარკეტზე 24:24 წუთი გაატარა. ამ დროში 26 წლის მოთამაშემ ტოპ პერფორმანსი შემოგვთავაზა: 20 ქულა, 6 მოხსნა, 2 პასი, 1 ჩაჭრა, 1 დაფარება.

პარკეტზე საუკეთესო ლეიკერსის მოთამაშე ლუკა დონჩიჩი იყო, რომელმაც 25 ქულა ჩააგდო, 2 მოხსნა შეასრულა და 7 შედეგიანი პასითაც გამოირჩა.

სანდრო მამუკელაშვილის გუნდი მომდევნო ტურში გოლდენ სტეიტ უორიორსს დაუპირისპირდება. მატჩი 21 იანვარს, თბილისის დროით 07:00 საათზე დაიწყება.

ლოს ანჯელეს ლეიკერსი - ტორონტო რეპტორსის მატჩის მიმოხილვა