![[VIDEO] ახალი სკანდალი ჟოზე მოურინიოს გარშემო - ამჯერად ლუჩო გონსალესთან ჩხუბი](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FHhk9wZ5gXWSypn5JhgM6me2635GuMwVe.webp&w=3840&q=75)
ლისაბონის ბენფიკასა და პორტუს მატჩი პრიმეირა ლიგას 25-ე ტურში ცეცხლოვანი გამოდგა. სტუმრები ახლოს იყვნენ გამარჯვებასთან - 69-ე წუთამდე, "დრაკონები" იგებდნენ 2:0-ს, "არწივები" კი პორტუგალიის ჩემპიონატის მიმდინარე სეზონში პირველ წაგებასთან. მოსახდენი არ მოხდა: ჟოზე მოურინიოს გუნდმა დააქამბექა, რის შედეგადაც შეხვედრა 2:2 დასრულდა.
ამ მატჩს არ ჩაუვლია სკანდალის გარეშე - ანგარიშის გათანაბრების შემდეგ, აფექტის მდგომარეობაში მყოფმა პორტუგალიელმა მწვრთნელმა ბურთს დაარტყა ფეხი, რომელიც "თეთრ-ლურჯების" სამწვრთნელო შტაბის წევრებს მოხვდა. ამ ყველაფერს მოჰყვა დაპირისპირება ლუჩო გონსალესთან და ეშტადიუ და ლუჟის ბინადრების დამრიგებლის გაძევება.
მატჩის დასრულების შემდეგ, "განსაკუთრებულმა" აღნიშნა, რომ ის ბურთს უმიზნებდა ტრიბუნებს და არა ეშტადიუ დრაგაუს ბინადრებს, რაც შეეხება არგენტინელ დამრიგებელთან კონფლიქტს, სკანდალურმა სპეციალისტმა აღნიშნა, რომ მოწინააღმდეგე მას მთელი შეხვედრის მანძილზე მოღალატეს უწოდებდა.
"ლუჩომ მიწოდა მოღალატე, ალბათ 50-ჯერ მაინც. ვის ვუღალატე? პორტუში მთელი სული და გული ჩავდე. ყველა გუნდში, სადაც ვიყავი, 24 საათი ჩემს სამსახურზე ვიყავი კონცენტრირებული, ეს არის პროფესიონალიზმი. როცა გონსალესი გადავიდა "დრაკონებიდან" მარსელში, მანაც უღალატა კლუბს?"
