[VIDEO] გოგა ბითაძის სოლიდური პერფორმანსი და ორლანდო მეჯიქის მორიგი გამარჯვება

გუშინ ღამით NBA-ის კიდევ ერთი შეხვედრა გაიმართა ორლანდოში, სადაც ადგილობრივმა მეჯიქმა ლოს ანჯელეს კლიპერსს უმასპინძლა. Kia Center-ში შეკრებილმა მაყურებელმა საკმაოდ დაძაბული და სანახაობრივი დაპირისპირება იხილა, სადაც გამარჯვება მასპინძელ გუნდს დარჩა, 129-101.

მატჩში მონაწილეობა მიიღო ქართველმა კალათბურთელმა გოგა ბითაძემ, რომელმაც პარკეტზე 16:18 წუთი გაატარა. ამ დროში 26 წლის მოთამაშემ საკმაოდ სოლიდური პერფორმანსი შემოგვთავაზა: 10 ქულა, 6 მოხსნა, 3 პასი, 2 ჩაჭრა.

პარკეტზე საუკეთესო კლიპერსის მოთამაშე ჯეიმს ჰარდენი იყო, რომელმაც 31 ქულა ჩააგდო, 5 მოხსნა შეასრულა და 8 შედეგიანი პასითაც გამოირჩა.

გოგა ბითაძის გუნდი მომდევნო ტურში ნიუ იორკ ნიქსს დაუპირისპირდება. მატჩი 23 ნოემბერს, თბილისის დროით 02:00 საათზე დაიწყება.

მატჩის მიმოხილვა