[VIDEO] გაბრაზებული დემბელე მატჩის MVP-ის ჯილდოს მიღებაზე უარს აცხადებდა

ჩემპიონთა ლიგის 1/4 ფინალის კიდევ ერთი მატჩი გაიმართა ბირმინგემში, სადაც ასტონ ვილა პსჟ-ს დაუპირისპირდა. მაყურებელმა ნამდვილი თრილერი იხილა, სადაც უნაი ემერის გუნდმა საოცარი პერფორმანსი შემოგვთავაზა. რომ არა ჯანლუიჯი დონარუმას გმირობები, პსჟ დიდი უპირატესობის განიავებასთან იყო ახლოს. საბოლოო ჯამში, პარიზელებმა მეტოქეს 5-4 მოუგეს და ნახევარფინალის საგზურიც მოიპოვეს.

მატჩის დასრულების შემდეგ, უეფამ შეხვედრის საუკეთესო ფეხბურთელი დაასახელა — ჯილდო პსჟ-ს ვინგერს უსმან დემბელეს ერგო, რომელიც MVP-ის ტიტულის მიღებაზე თავიდან უარს აცხადებდა. საბოლოო ჯამში ფრანგი ფეხბურთელი უეფას წარმომადგენლებს დათანხმდა და ჯილდოსთან ერთად ფოტოებიც გადაიღო.

მატჩის შემდეგ გავრცელდა კადრები, სადაც კარგად ჩანს თუ როგორ ამბობს უსმან დემბელე MVP-ის ჯილდოს მიღებაზე უარს.