![[VIDEO] გამარჯვება, რომელიც რომში დღემდე ახსოვთ - ენრიკეს მიერ განადგურებული ინტერი](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FaHl8YG8spWGcdtZooDvYwcBgMiinXp8V.webp&w=3840&q=75)
პარის სენ-ჟერმენის მოწინააღმდეგე ჩემპიონთა ლიგის ფინალში მილანის ინტერი იქნება. ფრანგული გუნდის მთავარი მწვრთნელისთვის, ლუის ენრიკესთვის "ნერაძურისთან" მოგება უცხო ხილი სულაც არ არის. როგორც გვახსოვს, ბარსელონას ბ გუნდიდან წამოსვლის შემდეგ, ესპანელმა სპეციალისტმა 2011 წელს რომა ჩაიბარა.
პსჟ-ს ამჟამინდელი მწვრთნელის "ჯალოროსიში" მუშაობა იყო წარუმატებელი, დედაქალაქური გუნდი 42 მატჩში 16-ჯერ დამარცხდა და სერია ა-ში მე-7 პოზიციაზე გავიდა. სეზონის დასრულების შემდეგ, 55 წლის სპეციალისტმა დატოვა "მგლები", მაგრამ იქამდე, ერთი ხმაურიანი მოგებით მან ადგილობრივი ქომაგების გული მაინც მოიგო.
2012 წლის 5 თებერვალს, სერია ა-ს 22-ე ტურში ენრიკეს გუნდმა ჯუზეპე მეაცას ბინადრები 4:0 გაანადგურა. 13 წლის შემდეგ, ის კვლავ ხვდება ინტერნაციონალეს, ამჯერად უკვე პარიზული კლუბის დამრიგებლის რანგში.
