![[VIDEO] მამუკელაშვილის მორიგი სოლიდური პერფორმანსი — მილუოკი ბაქსი დამარცხებულია](/_next/image?url=https%3A%2F%2Flagazzetta-uploads.s3.us-east-1.amazonaws.com%2Fuploads%2Fposts%2FjxT5Js6ZFqYEUwfbrQxzEu2fEy9pS2rX.webp&w=3840&q=75)
გუშინ ღამით NBA-ის კიდევ ერთი შეხვედრა გაიმართა მილუოკიში, სადაც ადგილობრივმა ბაქსმა ტორონტო რეპტორსს უმასპინძლა. ფისერვ ფორუმ არენაზე შეკრებილმა მაყურებელმა საკმაოდ დაძაბული დაპირისპირება იხილა, სადაც გამარჯვება სტუმარ გუნდს დარჩა, 94-122.
მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე 22:44 წუთი გაატარა. ამ დროში 26 წლის მოთამაშემ მორიგი სოლიდური პერფორმანსი შემოგვთავაზა: 15 ქულა, 4 მოხსნა, 4 პასი, 2 ჩაჭრა.
ტორონტო რეპტორსმა ბოლო 5 მატჩიდან ოთხი მოიგო, რითაც სატურნირო ცხრილში სიტუაცია საგრძნობლად გამოისწორა.
სანდრო მამუკელაშვილის გუნდი მომდევნო ტურში ოკლაჰომა სითი თანდერსს დაუპირისპირდება. მატჩი 25 თებერვალს, თბილისის დროით 04:30 საათზე დაიწყება.
მილუოკი ბაქსი - ტორონტო რეპტორსის მატჩის მიმოხილვა
