[VIDEO] მამუკელაშვილის სეზონის საუკეთესო მატჩი და ტორონტოს ზედიზედ მე-6 გამარჯვება

გუშინ ღამით NBA-ის კიდევ ერთი შეხვედრა გაიმართა ტორონტოში, სადაც ადგილობრივმა რეპტორსმა ვაშინგტონ უიზარდს უმასპინძლა. Scotiabank Arena-ზე შეკრებილმა მაყურებელმა საკმაოდ დაძაბული და სანახაობრივი დაპირისპირება იხილა, სადაც გამარჯვება მასპინძელ გუნდს დარჩა, 140-110.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე 20:53 წუთი გაატარა. ამ დროში 26 წლის მოთამაშემ საოცრად კარგი პერფორმანსი შემოგვთავაზა: 23 ქულა, 7 მოხსნა, 2 პასი.

პარკეტზე საუკეთესო ტორონტოს მოთამაშე არჯეი ბარეტი იყო, რომელმაც 24 ქულა ჩააგდო, 8 მოხსნა შეასრულა და 4 შედეგიანი პასითაც გამოირჩა.

სანდრო მამუკელაშვილის გუნდი მომდევნო ტურში ბრუკლინ ნეთს დაუპირისპირდება. მატჩი 24 ნოემბერს, თბილისის დროით 03:00 საათზე დაიწყება.

მატჩის მიმოხილვა