[VIDEO] მამუკელაშვილის სოლიდური პერფორმანსი და ტორონტოს მნიშვნელოვანი გამარჯვება ჰოუქსთან

გუშინ ღამით NBA-ის კიდევ ერთი შეხვედრა ტორონტოში გაიმართა, სადაც ადგილობრივი რეპტორსი ატლანტა ჰოუქსს დაუპირისპირდა. სქოტიაბანკ არენაზე შეკრებილმა მაყურებელმა საკმაოდ დაძაბული და სანახაობრივი მატჩი იხილა, სადაც გამარჯვება მასპინძელ გუნდს დარჩა, 134-117.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმა, რომელმაც პარკეტზე 31:56 წუთი გაატარა. ამ დროში 26 წლის მოთამაშემ ტოპ პერფორმანსი შემოგვთავაზა: 13 ქულა, 12 მოხსნა, 8 პასი, 3 დაფარება, 1 ჩაჭრა.

პარკეტზე საუკეთესო ატლანტა ჰოუქსის მოთამაშე ნიკეილ ალექსანდერ-უოკერი იყო, რომელმაც 31 ქულა ჩააგდო, 4 მოხსნა შეასრულა და 3 შედეგიანი პასითაც გამოირჩა.

სანდრო მამუკელაშვილის გუნდი მომდევნო ტურში კვლავ ატლანტა ჰოუქსს დაუპირისპირდება. მატჩი 6 იანვარს, თბილისის დროით 04:30 საათზე დაიწყება.

ტორონტო რეპტორსი - ატლანტა ჰოუქსის მატჩის მიმოხილვა