[VIDEO] სანდრო მამუკელაშვილი სან ანტონიო სპურსს გამარჯვებაში დაეხმარა

გუშინ ღამით NBA-ის მორიგი შეხვედრა გაიმართა ტორონტოში, სადაც ადგილობრივმა რეპტორსმა სან ანტონიო სპურსს უმასპინძლა. Scotiabank Arena-ს არენაზე შეკრებილმა მაყურებელმა საკმაოდ სანახაობრივი დაპირისპირება იხილა, სადაც გამარჯვება სტუმარ გუნდს დარჩა, 89-123.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე 16:25 წუთი გაატარა. ამ დროში 25 წლის ცენტრმა ძალიან კარგი სტატისტიკა შემოგვთავაზა: 13 ქულა, 7 მოხსნა, 1 შედეგიანი პასი.