[VIDEO] სანდრო მამუკელაშვილი ტორონტოს გამარჯვებაში დაეხმარა

გუშინ ღამით NBA-ის კიდევ ერთი შეხვედრა გაიმართა კლივლენდში, სადაც ადგილობრივმა კავალიერსმა ტორონტო რეპტორს უმასპინძლა. Rocket Arena-ზე შეკრებილმა მაყურებელმა საკმაოდ დაძაბული და სანახაობრივი დაპირისპირება იხილა, სადაც გამარჯვება სტუმარ გუნდს დარჩა, 113-126.

მატჩში მონაწილეობა მიიღო ქართველმა კალათბურთელმა სანდრო მამუკელაშვილმაც, რომელმაც პარკეტზე 17:01 წუთი გაატარა. ამ დროში 26 წლის მოთამაშემ საკმაოდ სოლიდური პერფორმანსი შემოგვთავაზა: 13 ქულა, 5 მოხსნა, 1 პასი.

პარკეტზე საუკეთესო კავალიერსის მოთამაშე დონოვან მიჩელი იყო, რომელმაც 31 ქულა ჩააგდო, 6 მოხსნა შეასრულა და 6 შედეგიანი პასითაც გამოირჩა.

სანდრო მამუკელაშვილის გუნდი მომდევნო ტურში ინდიანა პეისერს დაუპირისპირდება. მატჩი 16 ნოემბერს, თბილისის დროით 04:00 საათზე დაიწყება.

მატჩის მიმოხილვა